కేంద్ర ప్రభుత్వం దేశంలోని రైతులకు ఆర్థిక భరోసా కల్పించేందుకు పీఎం కిసాన్ యోజన పథకంని ప్రారంభించింది.ఈ పథకం ద్వారా రైతుల బ్యాంక్ ఖాతాల్లోకి రూ. 6 వేలని కేంద్రం జమ చేస్తుంది. అయితే ఈ డబ్బు మొత్తం ఒకేసారి కాకుండా విడతల వారిగా రైతుల ఖాతాల్లోకి వచ్చి చేరుతుంది. ఇప్పటికే 8 విడత డబ్బులను రైతుల ఖాతాల్లో కేంద్రం జమ చేసింది.
అయితే ఈ డబ్బులు కేవలం పీఎం కిసాన్ పథకంలో రిజిస్టర్ అయిన వారికి మాత్రమే వస్తాయి. ఇప్పటికే ఇందులో ఎంతోమంది రైతులు తమ పేర్లను నమోదు చేసుకున్నారు. తాజాగా కేంద్రం 8వ విడత డబ్బులను రైతుల ఖాతాల్లోకి జమ చేయగా.. ఎంతోమంది రైతులు ఈ డబ్బులను అందుకున్నారు. అయితే కొంతమంది రైతులకు ఈ పీఎం కిసాన్ డబ్బులు వారి ఖాతాల్లో జమకాలేదు. ఇలాంటి రైతులు ఒకవేళ మీ అకౌంట్లోకి డబ్బులు జమ కాకపోతే మీరే స్వయంగా మీ ఫోన్ ద్వారా ఫిర్యాదు చేసుకోవచ్చు . ఆ తర్వాత మీకు డబ్బులు వస్తాయి.
అయితే ఫిర్యాదు ఎలా చేయాలో ఇప్పుడు తెలుసుకుందాం పీఎం కిసాన్ డబ్బులు రానివారు 011-24300606 నెంబర్‌కు కాల్ చేసి చెప్పవచ్చు. అలాగే ఇంకా పలు హెల్ప్ లైన్ టోల్ ఫ్రీ నెంబర్లకు కూడా కాల్ చేసి ఫిర్యాదు చేయవచ్చు. 18001155266, 155261, 011-23381092, 011 23382401 వంటి నెంబర్లకు కూడా కాల్ చేయొచ్చు. కేవలం ఫోన్ ద్వారానే కాకుండా ఇమెయిల్ ద్వారా కూడా ఫిర్యాదు చేయవచ్చు. ఇందుకోసం మీరు pmkisan-ict@gov.inకు ఇమెయిల్ పంపాలి. ఇక ఇందులో చేరని రైతులు ఇప్పటికీ ఈ పథకంలో చేరి డబ్బులను అందుకోవచ్చు